დღე 9

დღეს განვახორციელეთ ტრენინგის ფარგლებში შესრულებული სამუშაოების შეჯამება ყველა მიმართულებით.განვიხილეთ ყველა მნიშვნელოვანი ასპექტი,რის გარეშეც შეუძლებელია თანამედროვე პროექტ -გაკვეთილის განხორციელება.ტრენინგის განმავლობაში გავიარეთ ყველა მნიშვნელოვანი ეტაპი, რომელიც გვეხმარება 21-ე საუკუნის უნარ-ჩვევებზე დაფუძნებული სწავლების უკეთ გაგებაში,გააზრებაში. მოგვცა საშუალება უკეთ გავუგოთ მოსწავლეებს და დავგეგმოთ და განვახორციელოთ  კვლევაზე დაფუძნებული თანამედროვე გაკვეთილი,რომელიც გაცილებით პრიორიტეტული და საინტერესოა მოსწავლეებისთვის.
უღრმესი მადლობა ტრენერს გვანცა სალიას,რომელმაც დიდი პროფესიონალიზმით და კეთილგანწყობით მოგვხიბლა და შეგვაყვარა  ინტელის კურსი.
მადლობა ჩვენს კოლეგებს,რომელთანაც კარგად ვითანამშრომლეთ  და ერთმანეთისგან ბევრი რამ ვისწავლეთ.

დღე 8

 დღეა ვისწავლე,როგორ უნდა გამოვიყენო სასწავლო პროცესში ტექნოლოგიები ყველაზე ეფექტურად, სწავლების პროცესის ხელშეწყობისა და მოსწავლეთა სწავლის შეფასების მიზნით და როგორ გავუწიო ფასილიტაცია კლასს მოსწავლეზე ორიენტირებულ სწავლების პროცესში?როგორ გამოვიყენო ტექნოლოგიები სასწავლო პრაქტიკის გასაუმჯობესებლად?
განვიხილეთ, კითხვების დასმის სხვადასხვა ტექნიკა, პრეზენტაციების, დოკუმენტების, ცხრილების და ვებრესურსების შექმნა, მოსწავლეზე ორიენტირებული სასწავლო პროცესის ხელშესაწყობად. 

დღე 6

როგორც ყოველთვის,საკმაოდ რენტაბელური დღეა,დატვირთული შინაარსობრივად. ჩავერთეთ შეფასების ფორმების შედგენაში,დავინახეთ რამდენად მნიშვნელოვანია მოსწავლის თანამონაწილეობა შეფასების პროცესში,განვიხილეთ ერთმანეთის პრეზენტაციები,მოვახდინეთ ურთიერთშეფასება.ძალიან საინტერესოა,დაღლა საერთოდ არ იგრძნობა.მადლობა

დღე 4

ვიმუშავეთ მეორე მოდულზე,განვიხილეთ შეფასების სხვადასხვა მეთოდი,ვიფიქრე, როგორ გამოვიყენოთ შეფასების სხვადასხვა ფორმა და მეთოდი ჩემს თემაში.განვიხილეთ მოსწავლეთა საჭიროებების შეფასება,პროგრესის მონიტორინგი,თვითრეგულაციისა და თანამშრომლობის ხელშეწყობა პროექტის ჭრილში და სხვა. ვიმუშავეთ ერთიანად,გავუზიარეთ აზრები,დავინახეთ ხარვეზები...საკმაოდ ნაყოფიერი დღეა

დღე 2

საინტერესო,სასიამოვნოდ დაძაბული დღე. ვისწავლე ბუკლეტების შექმნა პროექტების სწავლების ჭრილში. დავინახე პროექტებით სწავლების უპირატესობები ჩვეულებრივ ტრადიციულ სწავლებასთან შედარებით. დღეს პროექტების მოთხოვნებს გავეცანი  და მივხვდი,რომ პროექტის დაგეგმვა რთულია,უნდა განსაზღვრო რა ჭირდება მოსწავლეს,მოვირგოთ მოსწავლის როლი,დავინახოთ მათი საჭიროებები,სწორად დაგეგმილი პროექტი რამდენიმე კარგი გაკვეთილის ტოლფასია.

დღე 1.
დიდი მოუთმენლობით ველოდი,როდის დაიწყებოდა ინტელის კურსი,რადგან ძალიან ბევრი მსმენია მის შესახებ მასწავლებლებისგან ,ვინც გაიარა ეს კურსი. მაქვს დიდი მოლოდინი.

პირველმა დრემ დამანახა,რომ ეს არის ზუსტად ის,რაც მჭირდებოდა ჩემი პედაგოგიური პრაქტიკის  უკეთ წარმართვისთვის. პროექტებით სწავლება -არის სწავლება,რის გარეშეც წარმოუდგენელია თანამედროვე 21-ე საუკუნის სწავლება,რომელიც ორიენტირებულია მოსწავლეებში 21-ე საუკუნის უნარ-ჩვევების განვითარებაზე.

დღეს ვისწავლე სასწავლო ღონისძიებების ეფექტური დაგეგმვა,შევქმენი საქაღალდეები,რომელიც მუშაობაში დამეხმარება, შევქმენი ბლოგი.